31 Moo, ŋ min mandtiɗkoh ɓooɓi woti na ye ? 32 Ɓa mand na komaakci ɓoof ŋ ɗiski na toonohse ŋ kur ki, ɓa woytiɗohee ne :

" Ɓoo tipɗiɗ*7:32 "Ɓoo tipɗiɗ ɗu" : ndii, ini fiisu ŋ gerek, wa "Ɓoo mbiiɓɗiɗ ɗu". ɗu,

ɗu mbecɗi ;

ɓoo ƴeekɗiɗ ɗu ƴeek ruy,

ɗu fuɗɗi. "

33 Laam Yahya Ɓoktohi hayiɗ, a ñameeɗi ina ɓooɓa na ñame, a aneeɗi biiñ ; ɗu na woye ne a raak jiini. 34 Kuɓkiŋ ɓoyi hayiɗ, a na ñamee ñam, a ane ; ɗu na woye ne : " A ñamoh, a anoh biiñ, te a nawle juuti’oh ci na bakaaɗoh ci. " 35 Waaye liiɓohaaɗi moɗiɗi puloh ŋ Kooh na teeɓohe yurhiŋ wa, taamboh ŋ ɓooɓi Kooh ona jen. »

36 Wa raakka mbeh, ƴaar ɓaah ŋ Farisen ca ɓeeɗukka Yeesu ne a ñama ŋ kahan ce, Yeesu kaɗta, ɓooffa, a raɗissa kot caŋ ɗe*7:36 raɗis kot : ƴenguk, yip yaah, ñame, wa nikee mbaah ŋ jamanoonaam., a ñameeɗa na ɓa. 37 Ɓitiɓ mbalayoh gen kur ka kerahha ne Yeesu a yaa ŋ kahan Farisena, a kaɗta na buteel albaatar*7:37 albaatar : wa atoh moɗiɗ, yooɓiɗ pestu, wa na etohse haɓɗoha tumoha laackoloñ. riifiɗ na laackoloñ eeñiɗ.