57 Wa ɓa kaɗee, raakka ƴaara woo Yeesu ŋ waasa ne : « Kilifaani, ɗisik nu fu kaɗ ɗah, ŋ hey ɗa ñaakɗe. » 58 Yeesu woosa ɗe ne : « Ɓaakoɓ ci raakiɗ nung, sel ci raakiɗ taar, waaye Kuɓkiŋ ɓoyi raakɗi sah ɗiski a na hee iɗsiɗkohe. » 59 Yeesu woosa ƴaar wiiriis ne : « Ñaakiɗ to. » Waaye ƴaara loffa ɗe ne : « Kilifaani, on ndo paaɗ, ŋ taambkoh yaɓkooriŋ ngo po a kaan, ŋ uumb ɗe. » 60 Yeesu woosa ɗe ne : « Faɗa kaaniɗ ci ɓa uumb kaaniɗ ciŋ ɓa te fu kaɗ yegɗoha Nguuriŋ-Kooh. » 61 Raakka ƴaara nam ɗe woo ne : « Kilifaani ŋ hey ɗa ñaakɗe, waaye on ndo ŋ kaɗ aska ɓi kahan ndo paaɗ. » 62 Yeesu loffa ɗe ne : « Nguuriŋ-Kooh etohɗi ɓoyi na guure heelke. »