Lempooniŋ buur Sesaar
13 Ŋ finho ineem, ɓa tuuƴca ɓi Farisen na ɓi ɓo' ɓaah ŋ langtoh caŋ Herod ne ɓa kaɗ ŋ Yeesu, ɓa woyɗukoh ɗe woo ki min ɗe ɓek. 14 Ɓeem hayya woosa ɗe ne : « Jangɗohohi, ɓoo inhiɗ ne fu woyoh keeh te fu nupɗi ali ɓo' ; laam, fu na markeeɗi ŋ yaki ɓoyi yak, waaye fu na jangɗohe waasiŋ Kooh ŋ keeh ; woya ɓoo andi wa waas ne Sesaar12:14 Sesaar : buur nu tufkiɗasseen Rom ɗah, a meeɗ ɓay tiiki Sesaar, waaye yaa nu nga ɓa raakeen tiikiŋ ɗe haf ce., buura yakkaŋ Rom, wirndasse lempo wala ? Ɓoo wirind, wala ɓoo wirnduu ? »
17 A woosa ɓa ne : « Eɗaat Sesaar ini Sesaar raak, te ɗu eɗ Kooh ini Kooh raak. » Ɓa feyuusa keeh-keeh nga ɗe.
Sadusen ci na ini kaɗ ŋ hulti
18 Ŋ ineem, ɓooɓi na woyse Sadusen hayya ŋ Yeesu. Ɓeɗ ɓi na woye ne kaaniɗ ci hultanɗi. Ɓa hayya ŋ Yeesu, ɓa woosa ɗe ne :
Nakohi uup yak
28 Ƴaar ɓaah ŋ jangɗohoh caŋ waasiŋ Musaa kerahha woo caŋ ɓa. A hotta ne, findi Yeesu lofoh ƴaaɓa, wa ɗaa. A reɓpa, a meekissa ɗe ne : « A winde nakoh uupiɗ etoh ŋ nakoh ci jen ? » 29 Yeesu loffa ɗe ne : « Wii weɗ nakohi uupiɗ etoh : " Sikɗuka Israayel, Kooh Heɗ ɓoo a yi dong Heɗi ! 30 Waaɗa Heɗ ɓoo, yi Koohiŋ ɗa, na keeñiŋ ɗa jen, na ruuhiŋ ɗa jen, na liiɓiŋ ɗa jen, na hatiliŋ ɗa jen.12:30 Rohƴiɗi 6:4,5 " 31 Wii taammba nga : " Waaɗa morom fu findi fu waaɗoh haf fu.12:31 Lewiici 19:18 " Raakɗi nakohi uup nakoh cii. »