Yeesu ŋ yaah atte’oh ca yakak ca
53 Ɓa ɓayoh Yeesu ɗaa ŋ kahan seeƴkiɗoha yakka. Kilifaacaŋ seeƴkiɗoh caŋ waasiŋ Musaa jen na jangɗohoh caŋ wa na yakak ca cohee ŋ ɗiska. 55 Kilifaacaŋ seeƴkiɗoh caŋ waasiŋ Musaa na ɓooɓa ɓinooɓa ɓaah ŋ saangnaŋ yakak caŋ Israayel jen waakeeɗa seede ne ɓa raak ini tah ɓa min apɗuk Yeesu, waaye ɓa hotɗi.
61 Waaye Yeesu ɗekka teɗ, lofɗi ali in. Seeƴkiɗoha yakka meeksissa ɗe an : « Andi a fu Mucɗohi Gapohse, kuɓkiŋ Heɗ barkeeni ? » 62 Yeesu loffa ɗe ne : « Ñam nik, te ɗu hey hote Kuɓkiŋ ɓoyi ɓoofiɗ ŋ ñaahmiŋ Heɗ hatili, te ɗu hey ɗe hote hayee ŋ eel.14:62 Sabuur 110:1; Dañeel 7:13 » 63 Seeƴkiɗoha yakka faarra kulɓaaciŋ ɗe, a yi ŋ haf ce, ne a teeɓoh ne wa woo uupiɗ. A woosa ɓa ne : « Ɓoo etohis seede ye ? 64 A ɗu kerhoota, a ɗaliɗ Kooh, a joy ye tumu ? » Ɓa jen ɓa hunnda ɓa woosa ne : « A apaah apu 14:64 Lewiici 24:16! »