Yeesu, Heɗ mbehi na iɗsiɗkohse
23 Wa nikee ŋ mbehi na iɗsiɗkohse, Yeesu na taalubeeciŋ ɗe kaɗeeɗa, ɓa taammba ŋ yohon caŋ beleeca. Ŋ waasa, taalubeeciŋ ɗe piikeeɗa nga ca. 24 Farisen ca woosa ɗe ne : « Marka, wa ye tah taalubeeciŋ ɗa haɓɗee ini waasiŋ ɓoo sangoh ŋ mbehi na iɗsiɗkohse ? » 25 Yeesu loffa ɓa ne : « Mand haa ne ɗu moosɗi jangoh ina Dawuuda haɓɗee wa a aɗuk, a raakɗi ñamaah, a yi na ɓooɓa hunee na ɗe ? 26 A aas ŋ Kahan Kooh. Wa nikee ŋ jamanoonaŋ Abiyatar, seeƴkiɗoha yakka. Dawuuda ɓayya mbuuruuca degsee ŋ taaɓla wuu Kooh a ñammba nga ca, a nammba eɗ ɓooɓa hunee na ɗe.2:26 1 Samuwel 21:1-6 Te ali ɓo' joyɗi ñam mbuuruuceem ɗal seeƴkiɗoh ci.2:26 Lewiici 24:9 » 27 A degiɗta ɓa nga ne : « A ɓo' tah mbehi na iɗsiɗkohse waaku, mbehi na iɗsiɗkohse tahɗi ɓo' feru. 28 Kon mbaa Kuɓkiŋ ɓoyi a yi Heɗ mbehi na iɗsiɗkohse sah. »