Yeesu taniɗ Apootar ndaŋkiyaah na kanak
13 Kurkohha ndeem, Yeesu rappa ŋ ɗafuk tango, a ɓeeɗukka ɓi ɓo' ŋ waaɗ-waaɗiŋ ɗe, ɓa hayya nga ɗe. 14 A kooɗta nga ɓa ɓo' ndaŋkiyaah na kanak (12) ne ɓa nik na ɗe [a teekka ɓa "Apootar"]. A tuuƴee ɓa, ne ɓa woya Yegɗohiŋ Muci, 15 ɓa aañee jiiniici, a eɗta ɓa hatili. 16 Ndaŋkiyaah na kanak ci (12) a kooɗee nike : Simong yi a teekee Piyeer ; 17 Saak na Saaŋ, kuɓuuciŋ Sebede ; Yeesu teekee ɓa Bowanerses wi tokis kuɓu inding ; 18 na Andare, na Filip, na Bartalemi, na Macce, na Tomaa, na Saak kuɓkiŋ Alfe, na Tade, na Simong yi nikee Selot3:18 Selot : a yi ɓoyi waaɗ kur ce po a ƴutiɗ ne a hiñohiɗa. 19 na Yudaa Iskaryot yi wor ɗe.