Marcos 3

22 Jangɗohoh caŋ waasiŋ Musaa, ɓi pulohee Yerusalem woosa ne : « A Belsebul*3:22 Belsebul : wa ɓaah ŋ tiik ciŋ Seytaani. na ɗe ! » Ɓa woyissa ne : « Hatiliŋ kilifaaniŋ jiiniici weɗ a na aañohe jiiniici. » 23 Ŋ ineem Yeesu ɓeeɗukka ɓa, a woosa ɓa ŋ andiin ne : « Seytaani min na aañoh haf ce ? 24 Ɓooɓi ɓaah nguur hiñohee ŋ harmban ɓa ɗah, nguureem minanɗi tufuk. 25 Te ɓooɓi ɓaah kahan hiñohee ŋ harmban ɓa ɗah, kahneem minanɗi tufuk. 26 Kon, wa nik ne Seytaani na hiñohe ŋ ɗooƴ ce ɗah, nguuriŋ ɗe hey paysukohe te wa heeɗi minise tufuk, wa heen reehɗukohe. 27 Ali ɓo' minɗi aas ŋ kahan ɓo' raakiɗ hatil, a ɓay in ciŋ ɗe, te a tokɗi ɗe po a ndeng. Waaye a tok ɗe ɗah, a hey ɓaye in ciŋ kahan ce jen.

28 Ñam na woyee ɗu wa te wa keeh, ɓooɓi ɗaasnuk ɗah, ɓa hey ɗaasse bakaaɗ nu bakaaɗ na ɗal nu ɓa ɗal Kooh ɗah. 29 Waaye ɓo' nu ɗal Fuuɗsi Hoolohngaani, Fuuɗsiŋ Kooh ɗah, a ɗaassanɗi bakaaɗeem muk, wa taambɗan ɗe taambiɗ po faw. » 30 Yeesu woyiɗ ineem sagu ina ɓa woyee ne a jiini na ɗe.