31 A woosa ɓa ne : « Hayaat ɓoo ɗaaya ŋ ɗisik eendiɗ, ɗu iɗsiɗuk ƴissuut. » Raak ɓa ɓo' laayiɗ ɓeɗ nikee nga, ɓum kaɗeesa ɗah, ɓum haye ; tahha po Yeesu na taalubeeciŋ ɗe rahasɗi ne ɓa ñam. 32 Ɓa ɓayya gaal ne ɓa ɗaaya ŋ ɗisik eendiɗ. 33 Waaye ɓo' laayiɗ hotta ɓa kaɗeeɗa, inhissa ɓa ; ɓi kur caam jen nuppa, adugka ɓa ŋ ɗiska ɓa kaɗe.
34 Wa Yeesu na taalubeeciŋ ɗe ree po a ruhussa ŋ gaala, a hotta mboolo yakak, ɓa misikka ɗe lool ; ɓa mandee na mbaal raakaaɗi niiɗoh. A jangɗeeɗa ɓa in laayiɗ.