42 Waaye yaa nu bakaaɗɗukoh yino ŋ komaakci ƴin ci kos so ɓii ɗah, ini hee ngisohe nga ɗe, weɗ ne a toku atoh ɓitiɗ ŋ mbooh, a njafu ŋ cookma.
Penduk bakaaɗ
43 Yaahiŋ ɗa waaɗ ɗa ɓek ŋ bakaaɗ ɗah, nguɗaa, fu tas yaah yino ; laam fu aas ŋ kipes ki na yaah yino, weɗ ngisoh fu kaɗ na yaah ciŋ ɗa kanak ci ŋ yongkaaha heyɗi ƴime. [44 ]9:44 Ngaŋ Fiis ci maañiɗ ci, cum raak ayaanii : "Cangind ca na ñame faan ndaam na kaaneeɗi te yongkaaha na ƴimeeɗi." Waaye Fiis ci uup woor ngaŋ ci maañiɗ ci ris woti raakɗi woo keem. 45 Kotiŋ ɗa waaɗ ɗa ɓek ŋ bakaaɗ ɗah, nguɗaa ; laam fu aas ŋ kipes ki na kot yino, weɗ ngisoh fu njafu na kot ciŋ ɗa kanak ci ŋ yongkaaha yakka. [46 ]9:46 Ngaŋ Fiis ci maañiɗ ci, cum raak ayaanii : "Cangind ca na ñame faan ndaam na kaaneeɗi te yongkaaha na ƴimeeɗi." Waaye Fiis ci uup woor ngaŋ ci maañiɗ ci ris woti raakɗi woo keem. 47 Te hasiŋ ɗa waaɗ ɗa ɓek ŋ bakaaɗ ɗah, luhtaa ; laam fu aas ŋ Nguuriŋ-Kooh na has yino, weɗ ngisoh fu njafu na has ciŋ ɗa kanak ci ŋ yongkaaha yakka. 48 Cangind ca na ñame faan ndaam na kaaneeɗi te yongkaaha na ƴimeeɗi.