Yeesu woyiɗ ŋ Yahya
7 Wa taalubeeca woossee coote, Yeesu woyeeɗa na mboolnda ŋ ini kaɗ ŋ Yahya. A woosa ɓa ne : « Ɗu kee ye marka ŋ nduufa, caaɓsi yino-kongi puuɗsi na giyaange e ? 8 Ŋ liiɓɗaa ! Kon, ɗu kee ɓa marka, ɓo' ɓekkiɗ kulɓa moɗiɗ e ? Ŋ hot ɓooɓi na ɓekke kulɓa moɗiɗ na nike ŋ kahan ciŋ buur ci. 9 Moo, ɗu kee ɓa marka ? Woosuuɗ e ? Ee, ñam na woyee ɗu wa, a yi uup sah woosuuɗ, 10 laam a yi Fiis ci Hooliɗ ci woyee an :
" Ŋ hey woose ɓo' a adug ɗa,
ne a haɓɗiɗ ɗa waasi.11:10 Malasi 3:1 "