Macce 12

Ɓi kahan Yeesu

46 Wa Yeesu nik ndaam, a woyeeɗa na mboolnda, yaay ɓa na taambɗoh ciŋ ɗe ƴaar ci hayya, ɓa tufukka ŋ hara ɓa waaɗta woo na ɗe. [47 Raakka ɓoyi woo ɗe ne : « Yaay ɗu na taambɗoh ciŋ ɗa ɓa ɗaa tufukka ŋ hara, ɓa waaɗ woo na ɗa. »]

48 Yeesu loffa ɗe ne : « Ɗu amb ne a ɓa yaay ɓoo, e ɓinde taambɗoh ciŋ ngo ? » 49 Jaarra a yurhiɗta yaah ŋ taalubeeciŋ ɗe a woosa ne : « Ɓooɓii, ɓeɗ yaay ɓoo, ɓeɗ taambɗoh ciŋ ngo. 50 Ɓo' nu na haɓɗe ini Baabiŋ ngo yi nik ŋ Eel ci waaɗ ɗah, ɓoyeem a taambɗoh ho ƴaar mbaa ɓitiɓ wala yaay ɓoo. »