Mateus 13

14 Ini ɓa tum, weɗ ini Kooh woyee taamboh ŋ woosuuɗi Esayi an :

" Ɗu hey sikɗuke baahiɗ waaye ɗu inhanɗi muk ;

ɗu hey marke baahiɗ, waaye ɗu hotanɗi muk.

15 Keeñ ciŋ ɓooɓii

raakisɗi yeg yeg ;

ɓa rangiɗ nof ciŋ ɓa,

ɓa ɗuungiɗ has ciŋ ɓa

ne ɓa hotuu na has ciŋ ɓa,

ɓa kerhuu na nof ciŋ ɓa,

te ɓa inhuu ngaŋ keeñ ciŋ ɓa ;

te ŋ ineem,

ɓa minuu wiiruk nga so

ne ŋ wiriɗ ɓa.✝13:15 Esayi 6:9-10 " »

16 Yeesu woyissa taalubeeciŋ ɗe ne : « Waaye ɗu, ɗu neɓɗiɗ, has ciŋ ɗu ca ɗii hot te nof ciŋ ɗu ca ɗii kerah.