24 Yeesu woosa ne : « Kooh woos so ŋ mbaal ciŋ ɗe muuƴiɗ ci dong, Israayel ci. »
25 Waaye ɓitɓa hayya ƴekka ŋ kot ciŋ ɗe, woosa ɗe ne : « Ɓaatɗoh ho rek Kilifaani ! » 26 Yeesu loffa ɗe ne : « Wa waas haa ɓuu ci na koɗse teengu kañam kiŋ komaakci. »
27 Ɓitɓa woosa ɗe ne : « Kilifaani, fu woo keeh waaye, ɓuu ci na koɗse na name ñam ŋ ñamohiiciŋ heɗ ca, ci na keene ŋ kehƴi. » 28 Ŋ ineem Yeesu woosa ɗe ne : « Ɓitɓi, kosi fu kos yakiɗ ! Wa raakohaat ɗaa findi fu waaɗoh. » Ŋ wahtuunaam, kuɓkaŋ ɗe wirra.