6 Yaa nu bakaaɗɗukoh yino ŋ komaakci ƴin ci kos so ɓii ɗah, ini hee ngisohe nga ɗe, weɗ ne a toku atoh ɓitiɗ ŋ mbooh, a diigɗu ŋ ɗiska uup nooɗ ŋ cookma.
7 Mas adinaani ! In ci na ɓaye ɓo' bakaaɗ laayiɗ ! Te ca minɗi nik raakaaɗi waaye mas ɓoyi na hee ca ɓeke ! 8 Yaahiŋ ɗa wala kotiŋ ɗa waaɗ ɗa ɓek ŋ bakaaɗ ɗah, nguɗaa ca, fu mbet ca usiɗ ; aas ŋ kipes ki na yaah yino wala kot yino, weɗ ngisoh fu njafu na kot ciŋ ɗa kanak ci wala yaah ciŋ ɗa kanak ci ŋ yongkaaha ƴimanɗi muk. 9 Hasiŋ ɗa waaɗ ɗa ɓek ŋ bakaaɗ ɗah, nihsaa, fu mbeta usiɗ ; aas ŋ kipes ki na has yino weɗ ngisoh fu njafu na has ciŋ ɗa kanak ci ŋ yongkaaha yakka.