4 Yeesu loffa ɓa ne : « Wa mand haa ne ɗu jangɗi ŋ Fiis ci ne Kooh yi ferohi, wi a na fere ŋ camba, a fer ɓa ƴaar na ɓitiɓ ; 5 a woosa ne : " Weɗ tah ƴaar hey saɓsukohe na yaay na baab, a ŋoɗ ŋ ɓitiice, jaar ɓa kanak, ɓa nik faan yino.19:5 Camba 2:24 " 6 Mbaa, ɓa nikisɗi kanak, ɓa faan yino kotii. Kon, ini Kooh ambsoh, ɓo' kinaata saɓsoh. »
8 A woosa ɓa ne : « E ndengi ɗu ndeng keeñ weɗ tah Musaa teyɗukiɗta ɗu ineem, wa nikoheeɗi ɗaa ŋ cambohaana. 9 Waaye ñam na woyee ɗu ne : yaa nu saɓsukoh na ɓitiice te nikɗi ne yeem njaalo’ee njaaloo ; a ɓay ɓitiɓ wiiriis ɗah, a na njaalo’e. »