Kakaan kiŋ Yeesu
45 Ina kooɗoh ŋ njooloor, kehƴi jen nikka ŋ ñuus ini ree wahtu kaahay. 46 Wa wahtuuca kaahay ca hee reehe, Yeesu leehukka ŋ ɗafka an : « Elii, Elii, lema sabahtani ? 27:46 Sabuur 22:2 » Wa tokis "Koohiŋ ngo, Koohiŋ ngo, wa ye tah fu faɗta so ?"
50 Yeesu leehkissa ŋ ɗafka, a nguɗta.
51 Teemb ndeem, ridoona ɗasɗe Ɗiska Hoolohngaanaŋ27:51 Ɗiski Hooliɗi na Ɗiski Hoolohngaani : marka Kahan Kooh ŋ tiik ci inhassaaɗiici ; ɗisik ceem, ca nikee ɓak nga. Waaye cum ɗah, e taɓahaŋ Kahnaŋ Kooh jen na woyse Ɗiski Hooliɗi, wala taɓaha na ina wila jen. Kahnaŋ Kooh faarukka tareet ini kooɗoh ɗafka po kehƴa, kehƴi yoondɗukka, atoh ci yakak ci ɓessa. 52 Ruy-ruy ci rangsukka, ɓo'-Kooh laayiɗ ɓi inah ne ɓa kaaneen, hultiɗuusa. 53 Ɓa pulohha ruy-ruy ca. Ŋ finho hultaŋ ɗe, ɓa aassa ŋ ɗooƴ Yerusalem, ɓa teeɓukka ɓo' laayiɗ.
54 Soldaar ca niiɗee Yeesu na ƴaara adgohee ɓa, hotta ina raak jen, na findi kehƴi yoondɗukoh, ɓa feyuusa keeh-keeh, ɓa woosa ne : « Wa keeh ne a nikee Kuɓu Kooh. »