Yeesu wirɗiɗ kosaayiɗ laayiɗ
23 Yeesu wileeɗa Galile jen a jangɗoheeɗa ŋ sinaagog4:23 sinaagog : taɓah ci Yawuut ci na cohohe ne ɓa ñaamuk Kooh nga te ɓa jangee waas Kooh nga. Ɓa namee ngel nga ne leeroh raakka nga ɓa ɗah. ca, a woyeeɗa Yegɗohiŋ Muci4:23 Yegɗohiŋ Muci : weɗ "Lewañsili" wala "Injil". Ɓoo toksoh woo keem ɗaa ŋ saafi-saafi., wi kaɗ ŋ Nguuriŋ-Ɗafki, a wirɗeeɗa kosaay ca na ɓeenduk ca jen, ca ambee ɓooɓa. 24 Laamtohiŋ tiikiŋ ɗe willa kur kaŋ Siri jen. A komuusa ɓooɓa raakee miskiɗ jen sagu kosaay ca ambee ɓa, kosaay nu wa min nik ɗah, ɓa jiini4:24 jiini : findi Fiis ci Hooliɗ ci jangɗohoha, feruuɗ ci minɗi hotu jen, ca nikee malaaka wa ca na ferse. Cum nga bakaaɗta, ca njafuusa ŋ kehƴi. Ceem, ceɗ ɓoo tokis "jiini". E Seytaani kilifaaniŋ ca. Marka teerndiŋ Camba 1:31; Esekiyeel 28:11-19; Maarko 3:20-30; Luk 10:17-20; Teeɓ ki 12:3-12. ambe, ɓa raakee kombeɗ-mbeɗ na ɓa lafñe, a wiriɗta ɓa.