Yeesu ɓeeɗkiɗ Macce ne yeem ñaakiɗ ɗe
9 Yeesu kurkohha ndaam, wa a kaɗe, a hotta ƴaar teeku Macce ɓoofiɗ ŋ ɗiska a na juuti’ohe. A woosa ɗe ne : « Ñaakiɗ to. » Macce kurukka, ñaakiɗta ɗe.
10 Ŋ finho ineem, Yeesu ñameeɗa ŋ kahan Macce, juuti’oh laayiɗ na ɓi bakaaɗoh laayiɗ hayya ne ɓa ñam na ɗe, a yi na taalubeeciŋ ɗe.
11 Wa Farisen ca hot ineem, ɓa woosa taalubeeciŋ ɗe ne : « Wa ye tah jangɗohohiŋ ɗu ñamee na juuti’oh ci na bakaaɗoh ci ɓinooɓi ? » 12 Yeesu kerahha ɓa, a woosa ɓa ne : « Ɓooɓi kosaayɗi etohɗi paƴoh, e kosaayiɗ ci etoh paƴoh. 13 Jangaat ini Fiis ci woo wii : " Ŋ waaɗ ne ɗu teeɓoh baah kiŋ ɗu ŋ ɓinooɓi, weɗ ngisoh ɗu seeƴkee wuu so.9:13 Hose 6:6; Gonaah ci 21:3 " Laam ŋ hayɗi ne ŋ ɓeeɗuk yurhiɗ ci waaye ŋ hay ne ŋ ɓeeɗuk bakaaɗoh ci. »