Ɓi Rom 3

Kiyurhi Kooh onoh te wa taambohɗi ŋ nakoh ciŋ waasi

21 Waaye ɗiski wa nik, Kooh teeɓohiɗ findi a na onohe ɓo' kiyurah, te wa taambohanɗi ŋ nakoh ciŋ waasi, waaye teereeciŋ waasi na woosuuɗ ci ndengiɗ ndengiɗ ineem. 22 Kiyurheem, Kooh onoha taamboh ŋ kos Yeesu Kiristaa. Wa ɗaa ŋ ɓooɓi kos jen, wa raakɗi talsoh ; 23 ɓooɓi jen ɓeɗ bakaaɗ, tahha po ɓa ñakiɗ kiyak ki puloh ŋ Kooh ; 24 waaye a baahohiɗ ɓa, a onnda ɓa kiyurah, taamboh ŋ mucɗi Kiristaani Yeesu muciɗ ɓa.