Waasi na bakaaɗ
7 Kon ineem tokis ye ? Waasi na bakaaɗ, ca yino e ? Muk ! Waaye, ŋ heeɗi inhe ini bakaaɗ nik, ne waas raakeeɗi ɗah. Laam waasi woyeeɗi inii ɗah : « Fu waaɗɗanɗi haf fu iniŋ morom fu7:7 Pula 20:17 », mbaa ŋ heeɗi inhe ne ineem bakaaɗ. 8 Ŋ ineem, bakaaɗ tonduk nakohii, ɓekka nga so waaɗ-waaɗ nu nik ŋ ini kaɗ ŋ in ɓo' ; waas raakɗi ɗah, bakaaɗ na nike ini kaan.
17 Nik ne wa ɗaa ɗah, a ñam na tumee haa, a bakaaɗi gen ŋ ɗooƴ co weɗ na tumɗukohee so.
18 Ŋ inhiɗ ne ali in baahiɗ genɗi nga so, maanaam mi yi ɓo' dong. Laam ŋ waaɗiɗ haɓiɗ ini baah, waaye ŋ minɗi wa haɓiɗ. 19 Mi na tumeeɗi ini ŋ waaɗ, in baahiɗ, waaye mi na tume baahaaɗiini, ini ŋ waaɗɗi. 20 Ŋ tumee ini ŋ waaɗɗi ɗah, mbaa a ñam na tumee wa haa, a bakaaɗi gen nga so.
23 Waaye ŋ in ci mi na tume jen, mi na hote waas wiiriis weɗ na hiñohe na waasi ŋ teyɗuk ŋ ɗooƴ co, waaseem weɗ amb mbo, wa taƴca so, weɗ waasiŋ bakaaɗi gen ŋ tumohaaɗ ciŋ ngo jen.