Findi feruuɗi mand woti, na findi wa mandan kim
18 Wa wooriɗ to ne miskiɗ ciŋ ɓoo ŋ jamanoonii minɗi hendtiɗkohu na kiyak ki Kooh teeɓohan nga ɓoo kim.
26 Fuuɗsi na ɓaatɗohe ɓoo ŋ ñaki ɓoo ñak hatil, laam ɓoo inahɗi ini ɓoo joy kiim. Waaye Fuuɗsi na haf ce na kiimɗe ɓoo na iin ci fu inah ne, ɓo' minɗi ca woo.
28 Ɓoo inhiɗ ne Kooh na tume po in ci jen ambsukoh nik in baahiɗ ngaŋ ɓi waaɗ ɗe. Ɓooɓeem, e ɓooɓi Kooh ɓeeɗuk ŋ findi a kooɗkiɗohee wa. 29 Laam ɓi a inah ŋ ɗeɓgaana, a tufkiɗta ŋ ɗeɓgaana ne ɓa mandan na Kuɓkiŋ ɗe, ne Kuɓki nik saawi raak taambɗoh laayiɗ.
35 Wa ye saɓsohan ɓoo na waaɗi Kiristaani waaɗ ɓoo ? Wa miskiɗ haa. Wa jaahiɗ haa. Wa tolfiɗ wala aɗuk haa. Wa ñak ɓekkaah haa. Te wa in wooraaɗi wala ndang haa !
37 Waaye ŋ in ceem jen, a ɓoo saah po ɗiska saah top taamboh ŋ Yi waaɗ ɓoo. 38,39 Laam wa wooriɗ to ne raakɗi ini min ɓoo saɓsoh na waaɗi a waaɗ ɓoo, wa kakaan haa, wa kipes haa, ca malaaka haa, ca safaal haa, wa woti wala kim haa, ca heɗ hatil haa, wa ɗafkiɗ wala nooɗiɗ haa, ca feruuɗ wiiriis haa, ali in minɗi ɓoo saɓsoh na waaɗi Kooh waaɗ ɓoo taamboh ŋ Kiristaani Yeesu, Heɗ ɓoo.