Kos ndengiɗ
2 Ɓaah ciŋ ngo, miskiɗ nu ɗu min degu ɗah, ambaat ne wa jam yakak nga ɗu ; 3 ɗu inah ne kosi ɗu kos hey markiskasse, na ɓi miskiɗ, te miskiɗ ceem ceɗ na ndengɗee ɗu. 4 Ini ndengɗeem na rimɗee ɗu, joy joy kaɗ po wa ree, nde ɗu nik ɓo' mitiɗ, ali in haawsukuu nga ɗu.
12 Ɓoyi gen ndengɗukee ŋ miskiɗ, a neɓɗiɗ ! A hey pule nga na ndam, a rahas raayaani, weɗ kipes ki Kooh gap ɓi waaɗ ɗe.
13 Ɓo' nu waaɗ-waaɗiŋ ɗe ɓek po a waaɗ tum in moɗaaɗi ɗah, a kinaat woo ne a Kooh na tumɗukohee ɗe wa. In moɗaaɗi minɗi ɓek Kooh ŋ in te Kooh ŋ haf ce na ɓekeeɗi ali ɓo' ŋ in moɗaaɗi. 14 Waaye yaa nu nga ɗah, a kiñin kiŋ ɗa na nookee ɗa, wa yurhiɗ ɗa ŋ ini fu waaɗ. 15 Waaɗ-waaɗi baahaaɗiineem weɗ na nike rook, wa ɓasil bakaaɗ ; bakaaɗeem weɗ na kaɗe po wa yak, wa eɗoh kakaan.