Saak 4

Yaksiɗuk

13 Sikɗukaat ɗu ɓi na woye ne : « Woti wala kim, ɓoo hey kee kur nangam, ɓoo tum nga kiis, ɓoo toontuk, ɓoo raak kopor. » 14 Ɗu inah inah kimiŋ ɗu findi wa moocohan e ? Kipes kiŋ ɗu ye ? Ɗu mand na maari na pule, wa maañuu, wa coot. 15 Inii kay weɗ ɗu joy woo : « Wa neɓ Heɗi ɗah, ɓoo hey pese, ɓoo haɓiɗ inii wala wii. » 16 Waaye ɗu ɓii yaksiɗuk ŋ yegi ɗu yeg haf ɗu te yaksiɗuk mand ɗaa baahɗi.

17 Mbaa ɓoyi inah ini baahiɗi a joy haɓiɗ, a haɓiɗɗaa ɗah, a bakaaɗiɗ.