16 Ngini ni waro bolo ua, wakutu ngene wo 'oro sawo’o rimoi ma dara rema 'anggur kara wo sibere ie nanga murasa ma la ra Ma Jou’ongu Madutu, ngene wo sijumu mode-mode’e ngene rewo marimoi ra Kristus ga’a 'ai ngaunu 'i pa’ala di’a ngene?! Ngini ḏi’i ni waro bolo ua, wakutu ngene wo masibalangu roti re wo oromo, ngene wo sijumu mode-mode’e ngene rewo marimoi ra Kristus 'ai lese?!10:16 Mat. 26:27-28; Mrk. 14:22-24; Luk. 22:19-20 17 Sababu roti pa’i ngai moi re ngene mo-moini wo oromo roti gena-ge. Dadi ngene ga’a nanga repe wo dadi nanga lese pa’i rimoi, re wo marimoi ra Kristus.
18 Ni tailako ngowa-ngowa’a Israel: Ananga sigae manga jou-jou di’a Ma Jou’ongu Madutu toma jou-jou ma kalero. Togumu i’a ananga 'aḏi oromo mamete’e manga jou-jou ga’a ya sipula’a nange-ge. Ngini ni waro bolo ua, wakutu ananga oromo so’o gena-ge, ananga 'aḏi ma’u rimoi matengo re matengo, re ḏi’i marimoi ra Ma Jou’ongu Madutu?!10:18 'Im. 7:6