24 re Unanga 'o sibere ie murasa ma la ra Ma Jou’ongu Madutu. Togumu i’a, Unanga 'a poti-poti ma roti gena-ge re 'O kanau, "Nena-ne Ngoi 'ari lese ga’a sidoa’a di’a ngini. Na si’a’a tau-taunu di’a ni si’elingi Ngoi." 25 So’o gena-ge ḏi’i, ananga 'aḏi oromo togumu i’a, Unanga 'a 'oro sawo’o ma dara rema 'anggur re 'O kanau, "Sawo’o ma dara rema 'anggur nena-ne, gena-ge Ma Jou’ongu Madutu 'ai jaji ma su-sungi ga’a sitotomo Rari ngaunu. Soi rai o’o i’a ngini ka’e 'anggur nena-ne, ngini si’a’a di’a si’elingi Ngoi."✝11:25 Sup. 24:6-8; Yer. 31:31-34 26 Dadi soi rai o’o i’a ngini ni oromo roti re ni ka’e 'anggur gena-ge, ngini ni singadolo Ma Jou 'ai se-sengene singadolo Unanga 'o dadunu sapolo moju.

27 Sababu gena-ge, ngowa’a ga’a 'aḏi oromo roti re ka’e 'anggur ga’a ma tero sa’olo Ma Jou 'ai lese re 'Ai ngaunu, mada’a ya sidodai duhu 'i patasa ua, ananga gena-ge raḏi baraḏosa ra Ma Jou; sababu ananga 'aḏi silamo’o ua Unanga 'ai lese re 'Ai ngaunu. 28 Dadi matengo re matengo siḏa-siḏa balasu ni mafikiri la-la mangale roti re 'anggur ma maksudu, kara nyengara ni oromo roti re ka’e 'anggur.