1 Korintus 15

3 'Oru ga’a ngoi reta dawongo ra Ma Jou, ngoi reto singadolo ra ngini ḏi’i. Enanga ma la-lamo’o ma re’u i’a nena-ne: Kristus 'o sengene di’a 'O tuusu ngene tananga ḏosa-ḏosa, gena-ge 'i silefo pasala ḏua toma Boku 'Ofi-'Ofi,✝15:3 Yes. 53:5-12 4 Unanga 'u siotomo mada’a pasala i’a toma wangere ma soi ro’ange dadunu 'O 'ahu moju. Gena-ge ḏi’i 'i silefo pasala ḏua toma Boku 'Ofi-'Ofi.✝15:4 Nya. 16:8-10; Mat. 12:40; Som. 2:24-32 5 Wakutu Unanga dadunu 'o 'ahu moju, Ro masijumu 'Ai diri ra Petrus, kara Tai me-mete’e ma lelegu.✝15:5 Mat. 28:16-17; Mrk. 16:14; Luk. 24:34, 36; Yoh. 20:19 6 Pasala i’a, toma 'orasa rimoi Unanga 'o masijumu 'Ai diri ḏi’i toma ngowa’a nga latu romotoa pai’i. Ananga gena-ge manga repe 'aḏi 'ahu-'ahu moju singadolo nange-ne, pa’i nga muḏuo i’a ḇato raḏi sengene.