45 Ma tero toma Boku 'Ofi-'Ofi ma dara 'i silefo: "Manusia ma mulaingi 'a Adam, unanga gena-ge Ma Jou’ongu Madutu 'o sidadi unanga 'o 'ahu." Mada’a Adam ma sidu-duu’u gena-ge 'a Kristus, dadunu 'O 'ahu moju, la 'O pula’a 'ahu kasingado-ngadolo i’a ra ngene.✝15:45 Do. 2:7 46 Sapolo ma mulaingi gena-ge lese toma tana’a, lese ra Ma Jou’ongu Madutu ino ua. Lese ra Ma Jou’ongu Madutu 'i sapolo ma soi ḏiḏi 47 Adam ma mulaingi sidadi reo tana’a. Mada’a Adam ma soi ḏiḏi, Kristus, unanga gena-ge 'ai 'asala toma soroga tala. 48 Manusia ma tero sa’olo Adam ma mulaingi ga’a sidadi reo tana’a. Mada’a ngowa-ngowa’a manga 'asala toma soroga ma tero sa’olo Kristus ga’a sapolo toma soroga tala. 49 So’o gena-ge ḏi’i, nange-ne nanga lese ma jamani ma tero sa’olo 'a Adam 'ai jamani ga’a sidadi reo tana’a. Ḏuanga i’a nanga lese ma jamani 'i dadi ma tero sa’olo Unanga gena-ge toma soroga tala.