11 Sababu matengo i’a mai ua 'a waro ngowa’a lelegu manga 'akala re sinyingara ma dara, pa’i unanga masiretene 'ai roh ḇato. So’o gena ḏi’i mangale Ma Jou’ongu Madutu: Pa’i 'Ai Ngagara 'Ofi-'Ofi masiretene ḇato ya waro 'Ai 'akala re sinyingara ma dara. 12 Re ngene wo sanga ua dungia ma 'akala; mada’a wo sanga Ma Ngagara 'Ofi-'Ofi ra Ma Jou’ongu Madutu tala, la nga’unu wa sahe mo-moini ga’a Unanga ro pula’a ra ngene sababu 'Ai mura re dadalara.
13 Sababu gena-ge, ngomi ma siajele mi pake ua demo ga’a mete’e manusia manga 'akala soro’unu, mada’a mi pake demo toma Ngagara 'Ofi-'Ofi ra Ma Jou’ongu Madutu tala. Dadi ngomi mi sitarangi 'ori i’a mangale Ma Jou’ongu Madutu toma ngowa-ngowa’a ga’a raḏi dawongo Ma Ngagara 'Ofi-'Ofi.