1 Coríntios 5

Su-sudala toma jama’ata ma dara

1 Ngowa-ngowa’a raḏi siajele ḏua ra ngoi mangale madaga’a 'ori i’a ma faja tani jama’ata ma dara! 'Age rema na-nau’u matengo ga’a ma’u sala rema ngina bau. Ngowa-ngowa’a ga’a 'aḏi ngaku Yesus ua mai 'aḏi 'a’a so’o gena ua.✝5:1 Dad. 22:30 2 Kalaha so’o gena ngini ni momole moju! Momongolo ua ninga 'akala re sinyingara balasu 'i kangela re nu sisupu unanga gena-ge taninga sigolona sababu 'ai ga’a so’o gena-ge.