1 Ngini ngowa’a ngaku Yesus, i’a sa’olo na’o taninga sigolona ni ma’u hali, ni nau’u masala sigasa toma juruhakimi ga’a ngaku Yesus ua! I’a sa’olo ngini ni golo’o ua toma jama’ata di’a ananga ya sidiai hali gena-ge! 2 Ngini ni waro bolo ua, Ma Jou’ongu Madutu 'ai 'umata ananga sanga watasa di’a ḏuanga i’a sijuruhakimi dungia nena-ne?! Dadi, na’o ngini ḏuanga i’a sijuruhakimi dungia nena-ne, tantu ḏua ngini nga’unu ni sidiai ninga hali ga’a mapake ua! 3 Ngini ni waro ḏi’i bolo ua, ngene ḏuanga i’a wo sijuruhakimi mala’ekata! Dadi tantu ḏua ngini nga’unu ḏi’i sijuruhakimi pa’i ninga hali wange moi-wange moi! 4 Sababu gena-ge, na’o taninga sigolona ni ma’u hali, i’a sa’olo ngini ni nau’u di’a tagi kalaki toma juruhakimi ga’a ngaku Yesus ua?! Kalaha kai ḏe-ḏegoro ua, 'a guna ḇato toma jama’ata nga’unu 'o sidiai ninga hali gena-ge! 5 Ngoi to kanau so’o gena-ge, la to sipula’a mara’a ngini! Sanga ua, matengo i’a mai ua ioronongoḏu ngo-ngaku rimoi, ga’a rai 'akala ma soro’unu ua di’a 'a sijuruhakimi ninga hali!