1 Coríntios 9

24 Ngini ni waro bolo ua, mangale ngowa’a 'aḏi marerebe lalara, ngowa’a mo-moini 'aḏi lalara, mada’a pa’i matengo ḇato sanga nomoro?! Sababu gena-ge, ngini ninga de’oso re ḏegoro balasu ma tero sa’olo ngowa’a ga’a lalara makutale mode-mode’e di’a sanga nomoro. 25 'A guna ḇato na’o 'o mau mete’e tandingi, ngowa’a gena-ge balasu 'o manahana 'ai diri toma 'ori i’a mo-moini. Unanga 'o 'a’a so’o gena-ge sababu, kalaha lastari saya-saya ti’ara ua 'i wa’alo, unanga 'o nyafusu sanga lastari saya-saya siteru tai sae’e. Mada’a ngene wo manahana diri toma 'ori i’a mo-moini, sababu ngene wo nyafusu nanga sae’e 'i siteru lastari saya-saya gena-ge kama wa’alo ua nena-ne re si’a. 26 Sababu gena-ge, ngoi to lalara enanga rema maksudu di’a sanga nomoro ma tero sa’olo tandingi ma’u tutu’u, ngoi to tutu’u sabaranga ua. 27 Ngoi ma tero sa’olo matengo 'o tutu’u 'ai diri, la 'ai lese 'i dadi ma tero sa’olo 'ai budaka. Ngoi to 'a’a so’o gena-ge, awa-awa nena-ne 'i dadi ra ngoi: Ngoi reto singadolo Habari Roanga toma ngowa-ngowa’a lelegu, ḏuanga i’a Ma Jou’ongu Madutu 'o siteru ua tari sae’e rema lastari saya-saya kama wa’alo ua nena-ne re si’a.