1 João 2

Parenta ma su-sungi

7 Ioronongoḏu ngo-ngaku rimoi ga’a ngoi tunu dadalara, 'oru ga’a ngoi ta lefo ḏua, gena-ge parenta ma su-sungi ua! Enanga ma di’ara ḏua ga’a siajele ra ngini wakutu ngini mulaingi ni ngaku Yesus. Parenta gena-ge toma Habari Roanga ra Ma Jou’ongu Madutu tala ga’a ngini na 'isene ḏua.✝2:7 Yoh. 13:34 8 Kalaha so’o gena, Ma Jou’ongu Madutu 'ai parenta ga’a ngoi ta lefo ḏua, gena-ge parenta ma su-sungi ḏi’i. Parenta ma su-sungi gena-ge 'i banari sababu ri waiti ra Kristus 'ai 'ahu re ḏi’i ngini ninga 'ahu, sababu ninga 'ahu toma hafu-hafu enanga mulaingi sa’i 'i iranga, re ninga 'ahu toma tarangi banari enanga mulaingi 'i waiti.