9 Ma Jou’ongu Madutu ro sijumu 'ai dadalara ra ngene so’o ne: Unanga gena-ge 'o 'utusu 'Ai Ngowa’a Nau’u pa’i matengo ḇato toma dungia nena-ne, la ngene nga’unu wo sanga 'ahu ra Unanga 10 Dadi nena-ne si’aro’o dadalara: Ngene wo siḏa ua wo dadalara Ma Jou’ongu Madutu, mada’a Unanga siḏa na dadalara ngene, singadolo 'O 'utusu 'ai Ngowa’a Nau’u di’a 'O sapolo toma dungia nena-ne re 'O sidoa’a 'Ai lese sa’olo jou-jou, la Unanga 'a singi-ngiranga nanga ḏosa-ḏosa.