1 Pedro 1

22 Dadi nange-ne ngini ninga 'akala re sinyingara 'i dadi 'ofi-'ofi, sababu ngini ni mete’e Ma Jou’ongu Madutu 'ai do-doto’o banari singadolo mode-mode’e ngini ma’u dadalara ninga ioronongoḏu ngo-ngaku rimoi. Kalaha so’o gena, ngoi to pula’a duga re domolo moju, ngini balasu ni ma’u dadalara reo 'akala re sinyingara mode-mode’e, 23 sababu ngini dadunu reni sibuoro moju.*1:23 Oḏi’i Yoh. 3:3-9 Ngini reni sanga 'ahu su-sungi taninga ḇaḇa re ngina ua ga’a basono sengene, mada’a ra Unanga ga’a kama sengene ua. Gena-ge 'i dadi sababu ngini ni ngaku Ma Jou’ongu Madutu 'ai demo ga’a 'i 'ahu re 'i tahana kasingado-ngadolo i’a 24 Toma Boku 'Ofi-'Ofi 'i silefo so’o ne:

"Ngowa’a toma dungia mo-moini ma tero sa’olo rurubu

re ngowa’a manga kabasarana mo-moini ma tero sa’olo saya-saya;

Rurubu 'i wa’alo, ma saya-saya 'i matai turono.

25 Mada’a Ma Jou’ongu Madutu 'ai demo, kama iranga ua kasingado-ngadolo i’a."

Demo gena-ge Habari Roanga ga’a ri singadolo ra ngini.✝1:24-25 Yes. 40:6-8