5 So’o gena ḏi’i, ngini ngowa’a tubaie-tubaie ngini balasu ni ta’aloko ngowa’a ga’a raḏi 'umuru i’a.

Ioronongoḏu ngo-ngaku rimoi mo-moini, ngini balasu ma’u riono i’a re ino, reninga 'akala re sinyingara maholo tala. Sababu toma Boku 'Ofi-'Ofi 'i silefo so’o ne: "Ma Jou’ongu Madutu 'o lawana ngowa’a ga’a 'o matoro, mada’a unanga ga’a 'o siholo 'ai 'akala re sinyingara, Ma Jou’ongu Madutu 'u pula’a 'Ai mura re dadalara."✝ 6 Sababu gena-ge, ngini balasu ni masiholo ninga diri ra Ma Jou’ongu Madutu, Unanga ga’a 'Ai kuasa ma pari cua. Sababu wakutu Ma Jou’ongu Madutu 'o sitantukanga enanga ma 'orasa 'i tero-tero, Unanga ḏuanga i’a 'o sihie ninga diri.✝ 7 Sidoa’a ninga dodato mo-moini ra Ma Jou’ongu Madutu, Unanga gena-ge 'a sitotomo ninga 'ahu ma paralu sababu Unanga 'o kadiarata ngini.