8 Ni ma’istiari re ni ḏu-ḏuanga ḏua tau-taunu di’a ni talaḏi 'oru ḇato ga’a ḏuanga i’a 'i dadi. Sababu 'Iblisi ga’a ninga lawana 'i koloḏi i’a re ino, di’a 'i sijira ninga ngo-ngaku 'i ma tero sa’olo singa 'i maboa-boa’a disa ma ngo-ngoromo. 9 Ngini balasu ni lawana 'Iblisi reninga ngo-ngaku lai te’e ra Kristus. Sababu ngini na waro mangale ninga ioronongoḏu ngo-ngaku rimoi toma dungia sitabi donga 'aḏi sanga sangisara ḏi’i, ma tero sa’olo 'oru ga’a ngini na sanga. 10 Ti’ara ua, ngini ni basono ma sangisara. Togumu i’a Ma Jou’ongu Madutu 'o sitiai ngini moju: Unanga gena-ge masiretene 'O site’e ninga ngo-ngaku, la ninga ngo-ngaku kama elala ua, mada’a ni nga’unu tahana toma 'oru ḇato. Unanga 'o 'a’a so’o gena-ge, sababu Unanga romanga mura re dadalara re Ro 'aro’o ngini di’a ni sanga balangu Tai kabasarana kama ḏo-ḏogumu ua, sababu ni marimoi ra Kristus.