1 Tesalonika 4

11 So’o gena ḏi’i, ngomi mi golo’o mode-mode’e ra ngini mangale ni makutale mode-mode’e ni 'ahu dame toma ngowa’a lelegu, ni disa oromo re ngini ninga galasau’u ma duduala masiretene re ni capuru awa ngowa’a lelegu manga 'urusana. Fara muḏuo i’a gena-ge, ngomi mi siajele pasala ḏua. 12 Na’o ninga 'ahu ma duhu so’o gena, ninga 'ahu ni masinganono toma ngowa’a lelegu ua re ngowa’a 'aḏi ngaku Yesus ua mai 'aḏi silamo’o ngini.