23 Ananga gena-ge Kristus 'ai falalomu-falalomu?! (Na’o ngoi to kanau so’o gena-ge, ngoi ma tero sa’olo ngowa’a haga ḇato.) Mada’a ngoi ne falalomu-falalomu lebe cufala reo ananga mo-moini: Ngoi to munara lebe sau’u i’a, ngowa’a singosama ngoi toma bui lebe repe, to sanga ca’olo lebe siḏi, re soi rai o’o i’a sa’i to sengene.11:23 Som. 16:23 24 Soi romotoa ḏua, ngowa’a Yahudi 'aḏi sihukumu ngoi: Ananga gena-ge 'aḏi ca’olo reo si-sipo soi nyagi ro’ange re siworo.11:24 Dad. 25:3 25 Ngowa’a Roma raḏi ca’olo ngoi soi ro’ange, 'age soi moi ḏi’i ri poini reo maḏi. Ngoi to sidete minga kapala 'i tirini soi ro’ange, re soi moi ngoi to ra-rarini toma ngoloto ma re’u ma di’ara 'utu moi re wange moi.11:25 Som. 14:19, 16:22 26 Tari ḏo-ḏagi ma jelele i’a to sanga bahala ma repe: Palene ḇanyo 'o ngu’uisi, tola’a i’a ngowa’a to-tori’i manga ngi’i. Ngoi to sanga sikisa toma ngowa’a Yahudi, re 'age ḏi’i toma ngowa’a Yahudi ua. Ngoi to sanga bahala toma ngowa’a toma limau ma dara, re 'age ḏi’i toma limau ma ḏuḏunu. Bahala toma ngoloto, re bahala ra ananga gena-ge ga’a 'aḏi matuhu sa’olo ngowa-ngowa’a ngaku Yesus, mada’a 'aḏi sa-sakala.11:26 Som. 9:23, 14:5 27 Ngoi to munara sau’u madutu 'ari obongo rotu-rotu, to munara ma sisengene i’a: Soi rai o’o i’a kama otu mai ua, kama oromo mai ua, kama ka’e mai ua. Soi rai o’o i’a, ngoi to manahana sawini, re ngoi to basono 'alo sababu 'ari pakeanga repe ua. 28 Sidogo ḏi’i wange moi-wange moi, ngoi 'ari 'akala re sinyingara 'i dodato mangale jama’ata mo-moini. 29 Na’o 'age rema ngowa’a matengo i’a 'o basono lamahana, ngoi ḏi’i to basono ma tero sa’olo unanga. Na’o 'age rema ngowa’a matengo i’a 'o eta’a toma ḏosa, ngoi 'ari 'akala re sinyingara 'i kangela.
30 Na’o ngoi ḏi’i balasu to mahie 'ari diri, la ngini ni 'isene ngoi; ngoi to sihie mangale 'oru ga’a 'i sijumu 'ari lamahana.