3 Ma siḏa-siḏa, ngini balasu na sahe mangale Kiamata ma Wangere. Wakutu wangere gena-ge ri co-cori, ngowa’a ga’a manga 'ahu romanga reo dungia ma nyafusu 'aḏi sapolo. Ananga ḏuanga i’a 'aḏi je-jengere ngini. 4 Ananga 'aḏi kanau so’o ne: "Ma Jou 'o sijaji ḏuanga i’a 'o sapolo, mada’a 'orasa nange-ne Unanga le’a?! Nanga ete re dotumu raḏi matai sengene. Mada’a mo-moini gena-ge ma tero ḇato sa’olo wakutu dungia 'i dadi ḏua singadolo toma 'orasa nange-ne!" 5 Ananga 'aḏi oḏu’u 'elingi mangale 'ua re 'au wali Ma Jou’ongu Madutu 'o sidadi diwanga re dungia, re 'O siwo-wola i’a tana’a reo ḇanyo re 'A siwaiti tana’a reo ḇanyo, mo-moini gena-ge Rai 'Idini ḇato. 6 Re 'ua re 'au wali Ma Jou’ongu Madutu 'o singi-ngiranga dungia reo ḇanyo gena-ge ḏi’i. 7 Mada’a toma 'orasa nange-ne, Ma Jou’ongu Madutu 'o kadiarata diwanga re dungia Rai 'Idini gena-ge singadolo Unanga 'a singi-ngiranga gena-ge reo u’u. 'Orasa nange-ne, diwanga re dungia 'A kadiarata singadolo ma 'orasa ngowa-ngowa’a ga’a 'aḏi lawana Unanga, ananga gena-ge 'aḏi sanga hukumu.