2 Timotius 1

6 Sababu gena-ge, ngoi to babata ngana balasu no pake cocatu gena-ge lebe cufala i’a ḏi’i ga’a Ma Jou’ongu Madutu 'o pula’a ḏua. Ngana na dawongo cocatu gena-ge wakutu ngoi to siteru 'ari giama ra ngana. 7 Mojongo awa na pake cocatu gena-ge. I’a sa’olo Ma Jou’ongu Madutu 'o pula’a Ma Ngagara 'Ofi-'Ofi ra ngene?! Dadi ngene wo mojongo?! So’o gena-ge ua! Unanga 'o pula’a Ma Ngagara 'Ofi-'Ofi gena-ge, la ngene wo dadi te’e tananga munara di’a Ma Jou’ongu Madutu re nanga 'akala re sinyingara 'i romanga reo dadalara re nga’unu wo manahana nanga nyafusu ma jira.