Tingoḏi'i 19

Jarana bu-buḏo ma Ga-gasa

11 Gena ḏua, ngoi to oḏi’i soroga enanga 'i welanga, kara to oḏi’i ḏi’i jarana bu-buḏo rimoi. Ma Ga-gasa toma jarana gena-ge 'ai lomanga: 'A Setia re Banari. Unanga gena-ge 'o parangi re 'o sijuruhakimi ngowa-ngowa’a mete’e 'Ai 'adili.✝19:11 Yeh. 1:1; Nya. 96:13; Yes. 11:4 12 'Ai la’o sa’olo u’u malejanga re Tai sae’e 'o pake lastari ma repe. Tai lese 'i silefo lomanga rimoi; pa’i Unanga masiretene ḇato 'a waro lomanga gena-ge ma ngale.✝19:12 Dan. 10:6 13 Juba ga’a unanga 'a pake sitono ḏua toma ngaunu re Unanga si’aro’o "Ma Jou’ongu Madutu 'ai 'Idini."✝19:13 Yoh. 1:1 14 Sordado-sordado soroga 'aḏi mete’e Unanga re 'aḏi palene jarana-jarana bu-buḏo re manga pakeanga ḇa’a lenan buḏo lai 'ofi. 15 Tai madanga ma dara 'i supu samaranga mangono ḇotu moi. Rai samaranga gena-ge Unanga ḏuanga i’a 'o sita’aloko Tai lawana toma bangsa-bangsa, kara Unanga 'o parenta ananga Rai didiki ḇesi. Dadi Unanga ḏuanga i’a 'o co’o 'anggur toma 'anggur ma jo-jo’o ma ngi’i. Gena-ge ma ngale: Unanga 'o siḏagi Ma Jou’ongu Madutu ga’a 'Ai kuasa ma pari cua, Unanga 'ai borata Tai lawana.✝19:15 Nya. 2:9; Yes. 63:3; Yl. 3:13; Ting. 14:20 16 Tai juba re Tai busuu’u 'i silefo lomanga so’o ne:

" 'Olana toma 'olana mo-moini

re Ma Jou toma tuanga mo-moini."

17 Ḏua ngoi to oḏi’i mala’ekata matengo 'o made-de’oso toma wangere ma la’o, rai iḏingi lai siḏi madutu. Unanga 'o kanau i’a toma namo so-soloro toma diwanga ga’a oromo la-la’eme, "Ino, ni malomu di’a Ma Jou’ongu Madutu 'ai laya lamo’o! 18 Ino ni oromo 'olana-'olana, sordado-sordado ma sae’e re sordado-sordado manga la-la’eme. Ino, ni oromo ngowa-ngowa’a ga’a palene jarana re jarana-jarana ma la-la’eme. Ino, ni oromo 'umata manusia mo-moini manga la-la’eme: bae ngowa-ngowa’a ma pake ua, bae ngowa-ngowa’a la-lamo’o, bae budaka bolo ngowa’a bebasa!"✝19:17-18 Yeh. 39:17-20

19 Gena ḏua, ngoi to oḏi’i haiwani ma mulaingi gena-ge re 'olana-'olana re manga sordado-sordado 'aḏi malomu re ma’u parangi Unanga ga’a 'o palene jarana bu-buḏo re 'Ai sordado-sordado. 20 Mada’a haiwani gena-ge re nabi sa-sakala ga’a 'aḏi 'a’a didina’o heranga toma haiwani gena-ge ma biono, ananga gena-ge 'aḏi sanga cako’o. (Nabi sa-sakala 'o 'a’a didina’o heranga gena-ge, la 'o sihaga ngowa-ngowa’a ga’a remanga nana’o haiwani gena-ge re ngowa-ngowa’a ga’a 'aḏi silamo’o re siḏubuso dulada haiwani gena-ge.) Ḏua haiwani re nabi-nabi sa-sakala gena-ge 'aḏi siupa’a koro-koro toma ngoloto u’u ga’a rema walira leja-lejanga.✝19:20 Ting. 13:1-18 21 Re Unanga ga’a palene jarana bu-buḏo gena-ge 'O sisengene ananga manga sordado-sordado Rai samaranga ga’a 'i supu Tai madanga. Ḏua namo-namo toma diwanga matai sapolo ya oromo ananga manga la-la’eme singadolo wunusu.