Tingoḏi'i 7

Ma Jou’ongu Madutu 'ai 'umata nga cala latu moi re cala nyagi rata re cala rata

1 Pasala i’a, ngoi to oḏi’i mala’ekata nga ḏuata 'aḏi made-de’oso toma tana’a ḇuḇuku rata, ananga 'aḏi sitogumu karawiana, la karawiana enanga 'i wusu awa bae toma tana’a ma re’u, bae toma ngoloto bolo toma ate-ate.✝7:1 Yer. 49:36; Dan. 7:2; Za. 6:5 2 Ḏua, ngoi to oḏi’i mala’ekata ma lelegu 'o sapolo da’a kore mie ino, unanga 'o gasa segele ra Ma Jou’ongu Madutu ino, Unanga ga’a 'ahu-'ahu. Mala’ekata gena-ge 'o 'aro’o 'a siduga-duga mala’ekata nga ḏuata nange-ge ga’a sanga kuasa ḏua ra Ma Jou’ongu Madutu di’a sijira tana’a ma re’u re ngoloto, 3 re 'o kanau, "Sijira awa tana’a ma re’u bolo ngoloto, bolo ate-ate singadolo ngomi mi pula’a nana’o segele toma ngowa’a manga memese, ananga gena-ge ga’a ta Ma Jou’ongu Madutu ma tero sa’olo 'Ai budaka-budaka, Unanga gena-ge ga’a nanga Jou’ongu Madutu."*7:3 Toma demo Yunani: " 'Ai budaka-budaka". Oḏi’i demo "budaka" toma kamus.✝7:3 Yeh. 9:4, 6 4 Ḏua ngoi, ngowa’a ri siajele mangale ngowa’a repe: nga cala latu moi re cala nyagi rata re rata (144,000), ananga gena-ge 'aḏi sanga nana’o segele tamanga memese ra Ma Jou’ongu Madutu ino re manga 'asala toma bangsa Israel suku nyagi moi re romoḏiḏi. 5 Toma suku rimoi-rimoi 'age ngowa’a manga repe nga cala nyagi moi re romoḏiḏi ga’a sanga nana’o segele. Gena-ge toma suku: Yehuda, Ruben, Gad, 6 Asyer, Naftali, Manasye, 7 Simeon, Lewi, Isakhar, 8 Zebulon, Yusuf re Benyamin.