'Ahu su-sungi ra Kristus
17 Sababu gena-ge, ngoi to kanau re to mate’e reo Ma Jou’ongu Madutu 'ai kuasa: Awa ni 'ahu ma tero sa’olo ngowa’a 'aḏi nana’o Ma Jou’ongu Madutu ua, re ga’a ninga fikirana ma faeda 'i cua. 18 Ananga gena-ge manga fikirana 'i hafu-hafu re manga 'akala re sinyingara lai te’e. Sababu gena-ge, ananga ya nana’o ceka’a i’a mai ua mangale Ma Jou’ongu Madutu, re ḏi’i ananga ya dawongo ua 'ahu ga’a Ma Jou’ongu Madutu nyengara 'o pula’a ra ananga. 19 Ananga kamanga mara’a riwara, singadolo 'aḏi su-sudala mete’e manga lese ma nyafusu re 'aḏi 'ahu toma su-sudala ma dara 'i mete’e manga 'akala ma mau-mau.