Ngo Hagar re ngo Sara sa’olo nana’o romoḏiḏi
21 Ioronongoḏu ngo-ngaku rimoi, ngini ga’a ni mau ta’aloko ra Musa 'ai hukumu; tai’i na sigi-gisene ngoi 'ari demo! Ngoi ḏuanga i’a to siajele ra ngini mangale 'oru ga’a 'i silefo ra Musa 'ai hukumu ma boku: 22 Toma boku gena-ge 'i silefo mangale Abraham 'ai ngowa nau’u nga muḏiḏi. Ngina matengo we-were’a budaka ua re ngina lelegu, we-were’a budaka.4:22 Do. 16:15, 21:2 23 Abraham 'ai ngowa’a nau’u matengo ga’a 'u sibuoro tai ngina ga’a we-were’a budaka, unanga 'o sibuoro biasa, mete’e manusia manga mau masiretene. Mada’a ngowa’a nau’u matengo ga’a 'o sibuoro tai ngina ga’a we-were’a budaka ua, unanga 'u sibuoro mete’e Ma Jou’ongu Madutu 'ai jaji ra Abraham 24 Gena-ge 'i dadi sa’olo nana’o romoḏiḏi. We-were’a nga muḏiḏi ma tero sa’olo jaji romoḏiḏi. Jaji rimoi ma 'asala toma hukumu ga’a Ma Jou’ongu Madutu ro pula’a ra Musa toma Kie Sinai. Jaji gena-ge ma tero sa’olo ngo Hagar ga’a we-were’a budaka re munanga 'ami ngowa re danongo 'aḏi dadi budaka ḏi’i. 25 Dadi ngo Hagar munanga ma tero sa’olo Kie Sinai toma Arab re munanga ḏi’i ma tero sa’olo limau Yerusalem toma 'orasa nange-ne. Sababu nange-ne, ngowa’a toma limau gena-ge raḏi dadi budaka ra Musa 'ai hukumu. 26 Mada’a ngo Sara we-were’a budaka ua ma tero sa’olo Yerusalem ga’a toma soroga. Sababu munanga gena-ge re 'ami ngowa’a 'aḏi 'ahu bebasa ra Musa 'ai hukumu. Re ḏi’i munanga mo dadi ngina di’a ngowa’a mo-moini ga’a raḏi bebasa ra Musa 'ai hukumu.