7 Dadi, wakutu ngini ni sanga sangisara, balasu ni tahana. Sababu Ma Jou’ongu Madutu 'o pake sangisara di’a 'O doto’o ngini ma tero sa’olo ḇaḇa 'o pake hukumu di’a 'o doto’o 'ai ngowa’a nau’u. Sanga ua, ḇaḇa 'o doto’o 'ai ngowa’a nau’u so’o gena-ge ua. 8 Na’o ngini sanga hukumu ua taninga ḇaḇa toma dungia nena-ne, ngini ngimono madutu ua. So’o gena-ge Ma Jou’ongu Madutu 'o pake sangisara di’a doto’o 'ai ngowa’a nau’u mo-moini. Na’o so’o gena-ge ua, ngene 'Ai ngowa’a nau’u ua, mada’a ngowa’a haram.