Awa ngene nanga 'akala re sinyingara 'i dadi te’e
7 Sababu gena-ge, ni 'isene Ma Ngagara 'Ofi-'Ofi. Enanga gena-ge 'I siajele so’o ne:
"Na’o toma wangere nange-ne ngini ni 'isene Ma Jou’ongu Madutu 'ai iḏingi,
8 awa ngini ninga 'akala re sinyingara 'i dadi te’e
ma tero sa’olo ninga ete re dotumu 'au wali toma daeraha baulaco,
ananga 'aḏi malawana Ma Jou’ongu Madutu re 'aḏi tai’i Unanga."
12 Ioronongoḏu ngo-ngaku rimoi ni ma’istiari ino: Awa-awa 'age rema ngowa’a matengo i’a taninga sigolona 'ai 'akala re sinyingara 'i cira re 'ai ngo-ngaku 'i iranga singadolo unanga 'o maḏibo ḏuḏunu re 'o maki-kiḏanga ra Ma Jou’ongu Madutu, ga’a 'O 'ahu-'ahu. 13 Dadi awa ḏosa 'i sihaga matengo i’a taninga sigolona singadolo unanga 'o lawana Ma Jou’ongu Madutu. Mada’a ngini balasu ni ma’u pula’a duga re domolo taninga 'ahu ma dara wange moi-wange moi wakutu ngene wo 'ahu-'ahu moju toma 'orasa nange-ne ga’a 'i silefo toma Boku 'Ofi-'Ofi ma dara: "Salamata ma Wangere."3:13 Gena-ge ma ngale: 'orasa Ma Jou’ongu Madutu 'o pula’a donga moju di’a sanga salamata.
15 Gena-ge ma tero sa’olo 'i silefo ḏua toma Boku 'Ofi-'Ofi so’o ne:
"Wangere Nange-ne, na’o ngini ni 'isene Ma Jou’ongu Madutu 'ai iḏingi,
awa ngini ninga 'akala re sinyingara 'i dadi te’e, ma tero sa’olo ninga ete re dotumu 'ua re 'au wali,
ananga gena-ge ga’a 'aḏi lawana Ma Jou’ongu Madutu."3:15 Nya. 95:7-8