37 Ḏua Pilatus dadunu sano moju, "Na’o so’o gena, Ngana nena-ne 'olana?"
Yesus 'o sangoro, "Ngana masiretene no aje, Ngoi nena-ne 'Olana, re 'ani demo 'i banari. 'Ari ngina sibuoro Ngoi re ngoi to sapolo toma dungia nena-ne, di’a maksudu rimoi ḇato: di’a To pula’a sakisi mangale 'ori i’a ga’a ba-banari. Ngowa’a mo-moini ga’a 'aḏi disa ba-banari, ananga gena-ge 'aḏi mete’e Ngoi 'ari do-doto’o."
38 Pilatus 'o sano, "Ba-banari gena-ge 'oru?!"
Yesus 'o sanga hukumu sengene
(Mat. 27:15-31; Mrk. 15:6-20; Luk. 23:13-25)
Gena ḏua, unanga dadunu 'o supu re 'o kanau toma ngowa-ngowa’a Yahudi, "Ngoi ta sanga Unanga 'ai sala rimoi i’a mai ua.