Lucas 1

11 Toma 'orasa gena-ge, Ma Jou’ongu Madutu 'ai mala’ekata masibaiti ra Zakaria. Mala’ekata gena-ge 'o made-de’oso toma meja ma 'uḏu ga’a Zakaria 'o tau’u manyanyi 'ai kuwiḏa i’a. 12 Wakutu Zakaria oḏi’i mala’ekata gena-ge, unanga 'o kage re 'o mojongo masala.*1:12 Soi muḏuo i’a, mala’ekata matengo 'o madiga’a Ma Jou’ongu Madutu 'ai hukumu toma ngowa’a (Nyo. 22:22; 2Sam. 24:16; 2'Oln. 19:35; 1Taw. 21:12-15; 2Taw. 32:21; Som. 12:23; Ting. 16:3, 4, 8, 12, 17) 13 Mada’a mala’ekata gena-ge 'o kanau, "Zakaria, mojongo awa, sababu Ma Jou’ongu Madutu 'a 'isene ḏua 'ani nyiata: 'Ani were’a, ngo Elisabet ḏuanga i’a rami lese re mo maḏe-ḏegoro i’a ngowa’a nau’u matengo. Ngana balasu no silomanga unanga Yohanes. 14 Ngana ḏuanga i’a no maroanga madutu re ngowa’a repe ḏuanga i’a 'aḏi monere wakutu ngo Elisabet mo sibuoro ngowa kiau gena-ge. 15 Unanga ḏuanga i’a 'o dadi ngowa’a la-lamo’o ra Ma Jou’ongu Madutu 'ai momina re unanga ḏuanga i’a kama ka’e 'anggur ua bolo ka’e ua 'oru ga’a 'i 'eto-'etolo. Wakutu Unanga tai ngina 'ami po’olo ma dara moju, unanga Ma Ngagara 'Ofi-'Ofi 'u ḏegoro.✝1:15 Nyo. 6:3 16 Ngowa-ngowa’a Israel manga repe ḏuanga i’a 'aḏi 'isene unanga 'ai demo-demo dadi 'aḏi maḏibo toma ngo’omo boloto re 'aḏi mete’e Ma Jou’ongu Madutu moju, Unanga gena-ge ga’a ananga manga ete re dotumu 'aḏi silamo’o re siḏubuso 'ua re 'au wali. 17 Unanga ḏuanga i’a 'o dadi Ma Jou’ongu Madutu 'ai so-soma’a re unanga rai de-de’e re kuasa ma tero sa’olo nabi Elia. Unanga ḏuanga i’a 'o sidame ḇaḇa re manga ngowa’a. Re ngowa-ngowa’a ga’a 'aḏi oḏu’u mete’e Ma Jou’ongu Madutu 'ai 'akala ma mau, unanga ya’u sibi-biri’i di’a 'aḏi maḏibo toma ngo’omo boloto. Unanga ḏuanga i’a 'o 'a’a so’o gena, la ngowa-ngowa’a manga 'akala re sinyingara 'i ḏu-ḏuanga ḏua di’a dawongo Ma Jou."✝1:17 Mal. 4:5-6