Lucas 11

11 Sanga ua 'age rema ḇaḇa matengo taninga sigolona, na’o 'ai ngowa’a nau’u 'o golo’o nyao’o, unanga 'o pula’a cuku’u! 12 Bolo na’o 'ai ngowa’a 'o golo’o namo ma gosi, unanga 'o pula’a kalajengking! 13 Kalaha ngini ngowa’a baraḏosa, ngini mai ni waro ḏi’i ni pula’a 'ori i’a ma la-la taninga ngowa-ngowa’a. Ma la-lamo’o i’a ḏi’i, ninga Ḇaḇa toma soroga! Tantu ḏua, Unanga 'o pula’a Ma Ngagara 'Ofi-'Ofi ra ananga ga’a 'aḏi golo’o ra Unanga!"