Mateus 13

'Ade-'ade mangale j̱ala

47 "Soi moi moju, wakutu Soroga ma Pareta 'i ngadolo gena-ge ma tero sa’olo 'ade-'ade nena-ne: Ngowa’a ngau-ngau 'aḏi upa’a j̱ala toma talaga re 'aḏi sanga nyao’o fara muḏuo i’a. 48 Ngowa’a ngau-ngau ya totoma singadolo ma j̱ala 'i romanga reo nyao’o, kara ananga ya iḏala sibere j̱ala gena-ge toma tana’a du-dudungu. Gena ḏua, ananga ya siwo-wola nyao’o ma la-la sigae toma karajanga, re nyao’o ma la-la ua, ananga ya upa’a. 49 Toma Kiamata ma Wangere enanga 'i dadi so’o gena-ge ḏi’i: Ma Jou’ongu Madutu 'ai mala’ekata-mala’ekata 'aḏi siwo-wola ngowa’a loasa re banari reo ngowa’a ma jira. 50 Ngowa’a ma jira gena-ge, ananga ḏuanga i’a sanga upa’a toma ḏiḏiana u’u ga’a leja-lejanga. Toma ngi’i gena-ge, ananga ḏuanga i’a ya rerese ma gaḏi re ya doiti ma sangisara."